Eu

About Me

Este mozo guapo son eu

Como xa puideches intuír chámome Pablo, Pablo Portas López. Teño 20 anos e estou a estudar Enxeñaría Informática na Universidade da Coruña. Agora mesmo estou en Suecia de Erasmus, na Linnaeus University, pasando algo de friaxe .

Son un home apaixonado, falo moito, gústame coñecer á xente, gústame percorrer este planeta e, sobre todo, gústame tratar de comprendelo. O cine, a informática e as filloas son as cousas que máis feliz me fan no mundo 🌍.

A miña curta experiencia como informático é esta:

  1. Con 8 anos empecei a argallar co meu primeiro ordenador, un portátil Toshiba con WindowsXP.

  1. Con 10 anos, os meus pais regaláronme o meu primeiro portátil propio, un HP Pavilion vermello coma Rayo McQueen. Tiña o recén saído Windows 10 (descanse en paz).

  2. Con 11 anos, a miña nai mercoume, a petición miña, o Minecraft Windows 10 Edition. O xogo que marcou a miña vida e que me deu o meu nickname TeenBiscuits4371 (Xbox Live xerábache un nome de usuario ao chou a primeira vez que xogabas a un xogo).

  1. Con 13 anos conseguín a miña primeira e única vitoria maxistral no Fortnite.

  2. Con 14 merquei a miña primeira Raspberry Pi (unha 3B+) na que instalei Kodi para ver toda a miña colección de anime conseguida totalmente legal.

  1. Con 16 anos montei o meu primeiro servidor de Linux (un Dell PowerEdge T40) que manteño ata o día de hoxe.

  1. Con 18 anos, tras sobrevivir á ABAU, conseguín unha praza na Universidade da Coruña. Onde estudo Enxeñaría Informática e onde merquei o meu Slimbook Executive, un portátil español.

  1. Con 20 anos, conseguín unha praza de Erasmus na Linnaeus University e paseime a unix co meu primeiro MacBook.

Se estás a ler isto, é porque deste co meu blog. Agardo que goces do que escribo e que che sexa útil.